Markmið Oddfellowreglunnar er að gera
félaga hennar að betri mönnum.
Siðaboðskapur Reglunnar, sem fram kemur í fundarsiðum og hefðum, leitast við að leiða félaga hennar til umhugsunar um eðli og hegðan mannsins, tilgang lífsins og á hvern hátt þeir geti lagt sitt af mörkum til bætts samfélags manna.
Á fundum er aldrei rætt um stjórnmál né trúmál, mál sem fallin eru til að skilja fólk í andstæðar fylkingar.
Merki Reglunnar eru hlekkirnir þrír (sjá Einkunnarorð) en þeir tákna vináttu, kærleika og sannleika. Allt innra starf byggir á starfi í vináttu og sannleika sem grundvallað er í kærleika.
Reglusystkin kalla hvort annað bræður og systur til að leggja áherslu á viðhorf til kærleikans og afstöðu til hvers annars.
Lögð er áhersla á að félagar Reglunnar hagi lífi sínu svo að allt þeirra atferli samræmist siðaboðskap Oddfellowreglunnar og sýni gott fordæmi.
.jpg){kind=logo}
