14  Rebekkustúkur  eru starfræktar á landinu og  2 Rebekkubúðir, í Reykjavík og Hafnarfirði

Í Reykjavík eru starfræktar 4 regludeildir. 3 Rb.st.  eru starfandi í Hafnarfirði.   Þá eru starfræktar Rb.st.  í Reykjanesbæ, Vesmannaeyjum, Ísafirði,  Akureyri,  Sauðarkróki, Selfossi og  á Akranesi.

Innan tíðar verður stofnuð Rb.st. á Egilsstöðum

Stúkufundir

Fundir stúknanna eru ýmist vikulega eða hálfsmánaðarlega á tímabilinu september til maí. Stúkufundur er haldinn í stúkusal samkvæmt ákveðinni dagskrá og siðareglum. Að loknum fundi í stúkusal er oftast samverustund með erindi, umræður eða skemmtiatriði í setustofu.

Á hátíðafundum klæðast bræður kjólfötum og systur síðum, svörtum kjólum. Á venjulegum fundum klæðast bræður dökkum fötum og systur svörtum kjólum.

Nokkur leynd hvílir yfir starfsemi Reglunnar. Leyndin felst í því að reglu-systkini greina engum utan Reglunnar frá siðareglum.

Söngur og tónlist eru mikilvægir þættir á hverjum stúkufundi og það gildir einnig um aðra samfundi og skemmtanir á vegum stúknanna og Reglunnar.

Tilgangur slíkra samvista er ekki síst sá að félagar kynnist betur.

Heimsóknir milli stúkna eru fastur liður í starfinu. Einnig geta einstakir stúkufélagar farið sjálfir í heimsóknir til annarra stúkna bæði hérlendis og hvar sem er í heiminum þar sem Oddfellowreglan starfar.

Ekki er mætingaskylda á fundum, en hins vegar er nauðsynlegt að mæta vel til þess að njóta til fullnustu starfsins og þess siðfræðilega lærdóms sem Reglan boðar.