Fréttir

 Ný grundvallarlög fyrir bræðra- og Rebekkustúkur, sem samþykkt voru á 34. þingi hinnar óháðu Oddfellowreglu á Íslandi, I.O.O.F., í maí 2011 hafa nú verið sett á innri síðu á heimasíðu Reglunnar.

Fundur yfir- og undirmeistara var haldinn í Oddfellowhúsinu við Vonarstræti dagana 2. og 3. september sl. Um 90 bræður og systur sóttu fundinn, sem hófst á föstudegi klukkan 17:00, með leiðtoganámskeiði í boði Stórstúkunnar.  Br. Reynir Kristinsson stýrði námskeiðinu, sem hann nefndi "Stjórnandinn – leiðtoginn - yfirmeistarinn". Á námskeiðinu var unnið í hópum  og umræður frjálsar um þau álitamál sem upp komu á glærum þeim, sem námskeiðið byggði á. Námskeiðinu lauk um klukkan  21:00.