Fréttir

Jólaútgáfa Oddfellowblaðsins árið 2014 er komin út og hefur verið sent Oddfellowsystkinum. Blaðið er komið á Innri vefinn í flettiútgáfu.

Stjórn stórstúku hinnar óháðu Oddfellowreglu á Íslandi óskar öllum Reglusystkinum og fjölskyldum þeirra, gleðilegra jóla og farsældar á nýju ári. Öllum embættismönnum og öðrum Reglusystkinum sem hafa starfað Oddfellowreglunni til heilla, færum við bestu þakkir. Bróður- og systurlegast, í vináttu, kærleika og sannleika

Árlegar jólatrésskemmtanir stúkna í Vonarstræti verða haldnar dagana 27. til 29. desember. Allar hefjast þær kl 15:00 og eru aðgöngumiðar seldir við innganginn.

Skötuhátíðin mikla er framundan og hafa a.m.k. tvær stúkur auglýst skötuveislur. St. nr. 10, Þorfinnur Karlsefni stendur fyrir "sköturalli" á þorláksmessu í Vonarstrætinu og St. nr 28, Atli á Selfossi verður með sína veislu laugardaginn 20. desember í Oddfellowhúsinu á Selfossi, Stjörnusteinum.

Á haustfundi Styrktar- og líknarsjóðs Oddfellowreglunnar 14. nóvember s.l. var lögð fram tillaga framkvæmdaráðs um að StLO kæmi til móts við Regludeildir til helminga í áætluðum 66 mkr. verkefnum og samþykkti fundurinn að framkvæmdaráð ynni frekar að málinu með Regludeildum og að niðurstaðan verði lögð fyrir aukafund á fulltrúaráðsfundi StLO í febrúar n.k.

Þriðja lota um Oddfellow-skálina var spiluð á fullveldisdaginn. Það var stuð á feðgunum Páli og Hjalta og enduð þeir í örugglega í efsta sæti og fengu verðlaun kvöldsins.

Minjasafn Oddfellowa á Akureyri var opnað í byrjun febrúar á þessu ári þegar Stórembættismenn voru á ferðinni vegna innsetninga í stúkum og búðum. Í st.nr.2,Sjöfn hefur til margra ára verið starfandi minjasafnsnefnd til að halda utan um gamla hluti stúkunnar. Sjöfn er gömul og rótgróin stúka og þar hafði safnast upp mikið að fallegum munum sem voru varðveittir í kössum upp á lofti.