Píeta samtökunum afhentur styrkur
Sú hugmynd kom upp í byrjun árs 2018, hjá framkvæmdaráði StLO að hagnaður af jólakortasölu árins 2018 færi óskiptur til eins ákveðins líknarverkefnis sem væri hugsað í aðra röndina til að auka sölu jólakorta.
Þessi nýbreytni um að tekjur StLO renni óskiptar til valins verkefnis var kynnt á aðalfundi sjóðsins 14. apríl s.l. og féll hugmyndin í góðan jarðveg.
Á sama fundi var kosið um innsendar tillögur af mynd til að prýða jólakortið og er hún eftir Guðlaug Óskarsson, bróður í stúkunni nr. 8, Agli.
Að lokum var óskað eftir tillögum um verðugt líknarverkefni og kom fram tillaga um Píeta samtökin á Íslandi og var hún samþykkt.
Stórsír, br. Guðmundur Eiríksson afhenti samtökunum, fyrir hönd Styrktar- og Líknarsjóðs, afrakstur jólakortsölunnar að viðstöddum fulltrúum Oddfellowreglunnar og starfsmönnum Píeta á skrifstofu samtakanna að Baldursgötu.