Starf skrifstofustjóra - auglýsing
Skrifstofustjóri
Stórstúka hinnar óháðu Oddfellowreglu á Íslandi óskar eftir að ráða skrifstofustjóra til starfa.
Starf skrifstofustjóra er að sjá um og bera ábyrgð á daglegum rekstri skrifstofu Stórstúku hinnar óháðu Oddfellowreglu
á Íslandi.
Starfið er fullt starf og er reglulegur vinnutími skrifstofustjóra frá kl. 10:00 - 18:00 virka daga vikunnar. Skrifstofustjóri skal, ef þurfa þykir svo sem
í tengslum við stjórnarfundi, Stórstúkuþing og eða eftirlit hjá Regludeildum, vinna utan hins reglulega vinnutíma.
Skrifstofustjóri skal vera félagi í Oddfellowreglunni. Hann skal ávallt gæta fyllsta trúnaðar og þagmælsku um hvaðeina sem hann
verður áskynja um í starfi sínu.
Yfirmaður skrifstofustjóra er stórsír Oddfellowreglunnar á Íslandi IOOF.
Umsóknir skulu berast stjórn Stórstúkunnar fyrir 1. júní nk.
Starfssvið skrifstofustjóra:
- Rekstur skrifstofu og almenn þjónusta við Regludeildir
- Ritvinnsla og gagnaskráning
- Símavarsla og móttaka viðskiptavina
- Undirbúa fundi stjórnar, sitja stjórnarfundi, skrifa fundargerð í samstarfi við stórritara og ganga frá afgreiðslu mála eftir fundi með útsendingu bréfa og annarra gagna
- Þátttaka í undirbúningi Stórstúkuþinga og annarra viðburða á vegum Stórstúkunnar
- Samskipti við Regludeildir, er varðar gagnkvæma upplýsingamiðlun milli Stórstúkunnar og Regludeilda
- Útgáfumál, svo sem handbók Oddfellowa, grundvallarlög, reglugerðir, siðbækur ofl.
- Fréttaskrif á vef Reglunnar
- Greiðsla og innheimta reikninga í samráði við stórféhirði
- Innkaup og sala á varningi, sem Regludeildir þurfa á að halda, þar með samskipti við birgja hérlendis og erlendis
- Samskipti við aðrar Stórstúkur
- Skjalavarsla á öllum gögnum og skjölum Stórstúkunnar
- Að annast önnur störf sem til falla og heyra undir rekstur skrifstofunnar, m.a. að sjá um að húsakynni skrifstofunnar séu snyrtileg, sjá um veitingar á fundum Stórstúku ofl.
Hæfniskröfur:
- Haldgóð reynsla af skrifstofustörfum, bókhaldi og fjármálastjórnun
- Nákvæmni í vinnubrögðum, skipulagshæfni og frumkvæði
- Þjónustulund, lipurð í mannlegum samskiptum og snyrtimennska
- Góð kunnátta í íslensku og ritfærni á ensku og norðurlandamáli
- Góð tölvukunnátta, m.a. á Microsoft Office, Vefumsjónarkerfi, Gagnagrunn Reglunnar og Skjalavistunarkerfi, t.d. One system
- Þekking á skjalavistun