Fréttir

Oddfellowreglan á Íslandi veitti nýverið styrki til barna- og unglingastarfs í þremur myndlistaskólum, á Akureyri, í Kópavogi og í Reykjavík, samtals að upphæð þremur milljónum króna. Styrkirnir eru veittir úr svonefndum Lista- og vísindasjóði Oddfellowreglunnar, og er styrkveiting til listsköpunar nýbreytni í starfi Oddfellowrglunnar.

5. fundur Stórstúku Evrópu var haldinn í Helsinki í Finnlandi dagana 27.-29. maí 2011. Fundurinn hófst á föstudagseftirmiðdegi með fundarsetningu og veitingu stigs Stórstúku Evrópu, Vísdómsstigsins. Að þessu sinni var 167 félögum hinna ýmsu Stórstúkna í Evrópu veitt Vísdómsstigið en stigið hefur aldrei verið veitt svo mörgum félögum samtímis.

Oddfellowblaðið, maí 2011 er komið út og hefur verið sett á Innri vefinn til rafrænnar flettingar. Margt fróðlegra og forvitnilegra greina úr reglustarfinu eru í blaðinu sem fyrr.

Ný Grundvallarlög fyrir bræðra- og Rebekkustúkur voru samþykkt á 34. þingi Stórstúku hinnar óháðu Oddfellowreglu á Íslandi, I.O.O.F., sem haldið var í Oddfellowhúsinu við Vonarstræti dagana 20. til 22. maí 2011. Á þinginu fór fram kjör fjögurra nýrra embættismanna Stórstúkustjórnar og var str. Jóhanna E. Vilhelmsdóttir, Rbst. nr. 1, Bergþóru og br. Ásmundur Friðriksson, St. nr. 13, Nirði, kjörin í embætti varastórsíra og str. Svanhildur Geirarðsdóttir, Rbst. nr. 1, Bergþóru, og br. Hlöðver Kjartansson, St. nr. 9, Þormóði goða, í embætti stórritara.

34. þing Stórstúku hinnar óháðu Oddfellowreglu á Íslandi verður sett í Oddfellowhúsinu í Vonarstræti 10 , föstudaginn 20 maí 2011, kl. 20:00 stundvíslega  

Útför  Gylfa Gunnarssonar, fyrrum stórsírs Oddfellowreglunnar á Íslandi, I.O.O.F., var gerð frá Dómkirkjunni í Reykjavík, þriðjudaginn 3. maí 2011, að viðstöddu fjölmenni. Bræður í St. nr. 16, Snorra goða, stóðu heiðursvörð og embættismenn úr Stórstúku Íslands báru kistuna úr kirkju að lokinni athöfn.

Nú er liðið eitt ár síðan ný heimasíða Stórstúkunnar, oddfellow.is  leit dagsins ljós en hún var opnuð formlega af hávl. br. Stórsí  Stefáni B. Veturliðasyni  23. apríl 2010.

Hávirðulegur fyrrum stórsír, br. Gylfi Gunnarsson lést á heimili sínu að Hlíðarbakka í Fljótshlíð,  aðfararnótt skírdags. Útför br. Gylfa fór fram frá Dómkirkjunni þriðjudaginn 3. maí.  Minningarkort st. nr. 16 Snorra goða má panta á heimasíðu stúkunnar  

Laugardaginn 30 apríl Kl.16.00 verður III.stigsfundur að Staðarbergi 2-4. Eftir stigfundinn verður Jóni Otta Sigurðssyni veitt 50 ára fornliðamerki. Öll Reglusystkin velkomin.

Rebekkubúðir nr. 3, Melkorka, voru stofnaðar á Akureyri laugardaginn 2. apríl s.l. Athöfnin fór fram í Oddfellowhúsinu að Sjafnarstíg 3 að viðstöddum fulltrúum úr stjórn Stórstúkunnar, stórembættismönnum og fulltrúum frá öðrum Rebekkustúkum og -búðum á landinu.