Fréttir

Á fundi stjórnar Stórstúkunnar þann 24. október sl. var samþykkt að skipa Kjartan Sigurjónsson fm í st. nr. 16, Snorra goða Tónlistarstjóra Stórstúkunnar. Br. Kjartan vígðist í st. nr. 6, Gest 23. febrúar 1976Hann hlaut búðastig 20. nóvember 1979, Rebekkustig 26. janúar 1999 og Stórstúkustig 25. maí 2001 Br. Kjartan var einn stofnenda st. nr. 16, Snorra goða og var yfirmeistari stúkunnar árin 1996 til 1998 og stofnfélagi Ob. nr. 3, Magnúsar 5. maí 1990.    

Árlegt eftirlit Stórstúkunnar í Regludeildum hófst að venju með eftirliti í stúkunum á Selfossi fimmtudaginn 25. október sl. Þá var farið á Akranes, föstudaginn 26. okt. og skoðað þar hjá þremur Regludeildum. Laugardagurinn 26. október var stærsti skoðunardagurinn þegar allar Regludeildir í Vonarstræti eru skoðaðar og því margt um manninn í Regluheimilinu og ys og þys um ganga hússins. Törninni hér á suðvesturhorninu lauk síðan með skoðun í Hafnarfirði á sunnudagsmorgni og í Reykjanesbæ eftir hádegi sama dag.

Jólakort Styrktar- og líknarsjóðs Oddfellowa fyrir árið 2012 er komið út.   Höfundur kortsins í ár er Sigrún Harpa Þórarinsdóttir nemi við Listaháskóla Íslands. Jólakortasala StlO er mikilvæg fjáröflun fyrir sjóðinn  enn ekki  síður fyrir  líknarsjóði regludeildanna sem  fá hluta af söluandvirði kortanna í sinn hlut. Fulltrúar regludeilda í StlO  sjá um sölu kortanna.      

Í september s.l. var stofnuð bridgenefnd hjá St. nr. 16 Snorra goða. Nefndin hefur skipuleggt bridgemót Oddfellowa veturinn 2012/2013, sem verður fjögra spilakvölda tvímenningskeppni á tímabilinu 26.nóvember 2012 til 15.apríl 2013.

Fjórði sameiginlegur fundur stjórnenda Ob., Stórsírs og varastórsíra var haldinn í Regluheimillinu í Reykjanesbæ þann 29. september sl. Góð mæting var og áður en sest var niður til að funda bauð hússtjórn upp á kjarnmikla súpu og brauð með kaffi og konfekti á eftir. Síðar um daginn var boðið upp á kökur og kaffi og fór því enginn svangur úr húsi þann daginn! Sjá nánar á innri síðu.

Talan 7 er heilög tala í margra augum og er einkennilega ráðandi í stofnun tveggja nýrra Regludeilda á næstu mánuðum og misserum. Systur úr Rbnr. 7, Rbst. Þorgerður I.O.O.F. og st. Þorkell máni I.O.O.F. hafa báðar ákveðið að standa að stofnun nýrra stúkna. Rbst nr. 17 Þorbjörg verður stofnuð 1. desember nk. og st. nr. 27, Sæmundur fróði verður stofnuð 27. apríl 2013. Talan 7 er því ráðandi í stofnun þessara regludeilda og þar að auki verða 17 ár frá stofnun bræðrastúku í Vonarstrætinu.

 Á föstudag þann 7. september fór fram afhending á þeim hluta Líknardeildarinnar í Kópavogi sem Oddfellowreglan tók að sér að framkvæma í árslok 2011, með samkomulagi milli LSH og Oddfellowreglunnar. Afhendingin fór fram við hátíðlega athöfn að viðstöddu fjölmenni, en þar voru viðstaddir fulltrúrar LSH og Oddfellowreglunnar auk velferðarráðherra og starfsmönnum ráðuneytisins hans. Málmblásturssveit lék fyrir dyrum úti meðan gestir gengu í hús og fánar við hún á fánaborgum. Skoða myndir...

Nefnd um skjala- og gagnagrunnsmál, sem skipuð var af Stórstúkunni fyrir nokkru, fór yfir möguleika til skjalavistunar fyrir Stórstúkuna og í framhaldi af því fyrir Oddfellowregluna í heild. Niðurstaða nefndarinnar var að OneSystems hentaði Reglunni vel. Nefndin er skipuð br. Eiríki Þ. Einarssyni (form.), br. Valgeiri Hallvarðssyni og str. Kristínu Jónsdóttur, nýskipuðum Stórskjalaverði.

Ob. nr. 5, Freyr I.O.O.F. halda sitt þriðja golfmót patríarka/matríarka og maka þeirra, „FREYSMÓTIÐ". Öllum oddfellowum er velkomið að taka þátt í mótinu. Freysmótið verður haldið laugardaginn 8. september 2012 hjá Golfklúbbi Suðurnesja. Skráning á http://www.golf.is/

Yfir- og undirmeistaraþing Reglunnar verður haldið í Regluheimilinu að Stjörnusteinum á Selfossi laugardaginn 25. Ágúst 2012. Reyndar hefst það með óformlegri dagskrá á föstudeginum á milli kl. 20 og 22. Þinggögn verða afhent frá kl. 9:30 á laugardag og þingið síðan formlega sett kl. 10. Þinglok eru svo áætluð á milli kl. 16:30 og 17:00. Dagskránni lýkur svo með þriggja rétta kvöldverði sem hefst um kl. 19:30