Fréttir

Undirbúningur er hafinn að stofnun nýrra Rebekkubúða. Aðsetur nýju búðanna verður í Vonarstræti 10 í Reykjavík. Stofndagur er fyrirhugaður 4. nóvember 2017.

Óskum Reglusystkinum og fjöldkyldum þeirra gleðilegs nýs árs með ósk um farsæld á nýju ári !

Stjórn stórstúku hinnar óháðu Oddfellowreglu á Íslandi óskar öllum Reglusystkinum og fjölskyldum þeirra, gleðilegra jóla og farsældar á nýju ári.

Oddfellowblaðið í desember 2016 er að koma út og mun berast til Reglusystkina á næstu dögum. Rafræn útgáfa er komin á Innri vef til flettingar.

„United Nations Pilgrimage of Youth“ er fjölþjóðlegt samstarfsverkefni Oddfellowreglunnar og Sameinuðu þjóðanna Nýlega voru tveir nemendur frá Fjölbrautaskóla Vesturlands á Akranesi (FVA) valdir til að vera fulltrúar Íslands í fjölþjóðlegu samstarfsverkefni Oddfellowreglunnar og Sameinuðu þjóðanna. Valið fór þannig fram að nemendur gerðu ritgerðir í enskuáfanga sem tengjast starfsemi Sameinuðu þjóðanna. Enskuennarar völdu 10 bestu ritgerðirnar og valnefnd frá Oddfellowreglunni tók síðan viðtöl við þá nemendur og valdi úr hópnum tvo fulltrúa sem fara í ferðina.

Traustir hlekkir, bókin okkar um sögu Styrktar- og líknarsjóðs í 60 ár og líknarverkefni Reglunnar á fyrri tíð er komin út. Þetta er mikið rit, ríflega 330 bls, mikið myndskreytt og við Oddfellowar getum verið stolt af rótum okkar og sögu sem hefur ekki verið rakin heildstætt fyrr en í þessu riti.

Þriðja lota um Oddfellow-skálina var spiluð á mildu desemberkvöldi. Það voru jólasmákökur á borðum og spilarar í jólaskapi. Mjög góð mæting en 23 pör mættu til leiks og styrktu félagsauðinn.

Á fundi stjórnar Stórstúku með Ritnefnd Oddfellowreglunnar, var staðfest skipun á nýjum ritsjóra Oddfellowblaðsins, Þresti Emilssyni í St. nr. 20 Baldri.

Samráðsfundur yfirmanna Búða var haldinn á Akureyri síðustu helgina í september. Fundurinn er haldinn á hverju hausti og að þessu sinni var ákveðið að stofnfundur Oddfellow Akademíunnar yrði haldinn á þessum tímamótum líka því Akademían er á ábyrgð Búða

Jólakort Styrktar- og líknarsjóðs fyrir jólin 2016 er nú tilbúið til sölu í Regludeildum. Jólakortasalan er mikilvægur tekjustofn fyrir StLO og eru Reglusystkin hvött til að kaupa kortin. Kortið í ár er hannað af Ólafi Th. Ólafssyni br. í St. nr. 12 Skúla fógeta